Астана қаласында «Алау» спорт кешенінде Қазақстан Республикасының 25 жылдығына арналған «Астана 2016» атты спорттық сайысы өтті.
Сайыстың ұйымдастырушысы – Астана қаласының «Молодежное общество инвалидов» қоғамдық бірлестігі. Сайысқа «Безмолвный мир» қоғамдық қоры (керең-мылқаулар қоғамы), «Дос» қоғамдық мекемесі (қол арбалы мүгедектер қоғамы) және «Мүгедектердің жастар ұйымы» қоғамдық бірлестігі қатысты.
Сайысқа 40-тан астам адам қатысты. Үстел теннисі, шахмат және тоғыз құмалақ ойындарынан жарысты. Сайысқа қатысқандарға және жүлделі орындар алғандарға шаңсорғыш, үтіг және асүйлік комбайндар берілді.
Сайыстың ресми демеушісі – «Шұғыла» қоғамдық қорының Астана қаласындағы филиалы.
