Жуырда, Қаскелеңде шатырда тұрмыс құрып жатырған алты балалы отбасы туралы жаңалық шықты.
Еліміздің жанашыр халқы ол жанұяға көмек қолын созды. Қаладан екі ай мерзіміне тұрғын үй жалға алып берді. Кейбір кісілер азық-түлік алып келді, тоңазытқыш және теледидар алып келді. Қаржылай көмек көрсеткендер де бар. Ата-аналарды жұмыспен қамтамасыз етуге уәде беріпті.
Біздің қор да құр қарап қалған жоқ. 26 маусымда қордың еріктілері бұл отбасыға азық-түліктер таратты. Бұл отбасы қорымыздың көмекке мұқтаж отбасылар тізіміне енгізілді. Мұқашев жанұясынан басқа «Шұғыла» қоры «Береке» жобасы аясында сол күні Алматы облысы, Талғар ауданының Тұздыбастау, Бесқайнар, Бесағаш, Белбұлақ, Талдыбұлақ, Алмалық, Қызылқайрат ауылдарының 33 әлеуметтік жағдайы төмен отбасына азық-түлік себеттерін таратты.
Осы шараға үлес қосқан барлық азаматтарға алғысымызды білдіреміз.
