{module Алматы сел 2015-07-26}
Өздеріңізге белгілі, шілденің 22нен 23іне қараған түні Алматының Наурызбай ауданында сел жүру нәтижесінде лай ағыны өтті. Аса қатты зардап шеккен Қарағайлы шағын ауданының Алмалы және Домалақ ана көшелерін қалпына келтіру үшін қор 7 камаз жалдады, сонымен қатар 11:00-18:00 аралығындағы уақытта зардап шеккен тұрғындарға 70тен аса еріктілер көмек көрсетті. Ауыр жұмыс істеген, жұмыс күшімен және арнайы техниканы жалдауға қаржылай көмек көрсеткен еріктілерге алғысымызды білдіреміз! Сондай-ақ, «Осында»маркетіне , «Руми» мейрамханасына, «Халал Палау» және «Olivo» дәмханаларына тамақ пен сусындар түріндегі көрсеткен гуманитарлық көмегі үшін рахмет. Азық-түлік мол болғандықтан, артылып қалғаны ең көп зардап шеккен көшелерге жақын орналасқан көмек қабылдау пункті «Саудабай» мейрамханасына өткізілді.
Жасалған еңбекке қарамастан жағдай әлі де қиын. Тазалау және қалпына келтіру жұмыстары жалғасуда. Сіздерді зардап шеккен жандарға көмектесуге шақырамыз. Отандастарыңыздың қайғысына бей жай қарамаңыз!
https://www.facebook.com/shugylakz
https://vk.com/shugylakz
https://instagram.com/shugylakz