{module «Пора в школу» фото отчет 21.08.13}
Осы жылдың 17-18 тамызында қорымыз оқу жылының басталуына орай «Мектепке дайындық» атты шара өткізді. Қазіргі кезде, өкінішке орай, барлық отбасы балаларын мектепке қажетті заттармен қамтамасыз ете алмайды. Сондықтан біз оларға осы мәселені шешуде көмектесуді жөн көрдік. Өткен демалыс күндері Еңбекшіқазақ және Талғар аудандарында тұратын 224 отбасының 465 баласы мектепке қажетті заттарға қол жеткізіп қуанышқа бөленді. Бұл қажетті заттардың ішінде мектеп сөмкесі, дәптер, күнделік, қалам, қарындаш секілді барлығы 33 аталым болды.
Бұл шара Петроказахстан компаниясының және де шараның өткізілуіне тікелей атсалысқан еріктілеріміздің қолдауымен жүзеге асты. Қолдау көрсеткендері үшін алғысымызды білдіреміз.