Адамдарға пайдалы болудың мүмкіндіктері шектелмеген

Құрметті достар!

Адамның жаратылысы қайғы-қасірет, мұқтаждық кезінде басқа адамға көмектесу деген бірегей қасиетке ие. Жанашырлық сезімінің арқасында адам басқа біреудің қуанышын сезіп, түсіне алады, сол арқылы адамдарға көмектесу қажеттілігін сезінеді. Жанашырлық адамның жанын тек тазартып, асқақтатып қана қоймай, адамдарға шын мәнінде көмектесіп, жақсылық жасап, адамгершілікті сақтап қалуға жетелейді. Сонымен қатар жәрдем беру әр түрлі әлеуметтік мәселелерді шешуге көмектеседі. Жанашырлық пен рақымдылық кең тараған қоғам біркелкі және қарқынды дамиды, ал өзара жәрдемдесу қандай да бір заң...

Толығырақ>>

02.04.2012ж. Азық-түлік тарату шарасы

02.04.2012    
Осы жылдың 31 наурыз - 1 сәуір күндері қорымыз Наурыз мейрамына орайластырылған қайырымдылық шара өткізді. Бұл шара барысында Алматы қаласы Алатау ауданынан 12 отбасы, Жетысу ауданынан 7 отбасы, Медеу ауданынан 26 отбасы және Түрксіб ауданынан 26 отбасы азық-түлікпен қамтамасыз етілді.

Наурыз мейрамына орайластырылған қайырымдылық шара.

28.03.2012    
Осы жылдың 31наурыз-1 сәуір күндері «Шұғыла» қоғамдық қоры Наурыз мейрамына орайластырылған қайырымдылық шара өткізуді жоспарлауда. Осы шара барысында Алматы қаласы Алатау, Жетісу, Медеу және Түрксіб аудандарының жағдайы нашар отбасыларына азық-түлік таратылады.

Көшпелі зерттеу

26.03.2012    
Осы жылдың 13-20 наурыз күндері «Шұғыла» қоры Алматы облысы Жамбыл, Қарасай және Еңбекшіқазақ аудандарында көшпелі флюорографиялық зерттеу қайырымдылық шарасын өткізді. Осы қайырымдылық шара барысында Жамбыл ауданынан 312 адам, Қарасай ауданынан 100 адам, Еңбекшіқазақ ауданынан 119 адам тексеруден өтті.

Флюорографиялық зерттеу.

06.03.2012    
2012 жылдың 13-31 наурыз аралығында біздің қор Алматы облысының бірнеше елді мекендерінде флюорографиялық зерттеу өткізуді жоспарлауда. Бұл қайырымдылық шара 24 наурыз - дүниежүзілік өкпе құрт ауруымен күрес күніне орайластырылып отыр.

Сауалнама жүргізу

31.01.2012    
2012 жылдың 4-5 ақпан күндері Алматы қаласы Алатау ауданында тұратын жағдайы нашар отбасылардың қажеттіліктерін анықтау мақсатымен сауалнама жүргізіледі. Сауалнаманы қаланың жоғары оқу орындарында жұмыс істейтін жастар ұйымдарымен бірігіп жастар клубы өткізеді. Осы бір айдың ішінде клуб Жетысу, Медеу және Түрксіб аудандарында сауалнама жүргізуді жоспарлауда. Жағдайы нашар отбасылардың тізімдері аудандық әкімшіліктер тарапынан ұсынылды.

Жастар клубы ашылды.

30.01.2012    

2012 жылдан бастап жастар клубы өз жұмысын бастады. Бұл клубтың ашылу мақсаты жастарда әлеуметтік жауапкершілік қасиетін дамыту болып табылады. Клубтың қызметі тек сауалнама жүргізу және қайырымдылық шаралар өткізумен шектелмей, әлеуметтік жобалар әзірлеу, ақпараттық, ағартушылық және ғылыми-танымдық шаралар (лекциялар, жастар үйірмелерін ұйымдастыру, семинарлар, пікірталастар, дөңгелек үстелдер, арнайы тақырыптарға кездесулер) ұйымдастыруды да қамтиды. 

Жаңа жоба - «Киім дүкені»

30.01.2012    
2012 жылдың басынан «Киім дүкені» атты жаңа жоба өз жұмысын бастады. Бұл жоба жағдайы нашар отбасыларға тегін киім таратуға бағытталады. Дүкендегі тауарлар -қорымызға қайырымдылық көмек ретінде түскен заттар. Дүкеннің қызметі коммерциялық мақсатты көздемейді және қайырымдылыққа бағытталған. Дүкеннен тегін киім алуға шақырылатын жағдайы нашар отбасылардың тізімі қалалық және аудандық әкімшілік тарапынан ұсынылған.

Жаңаөзендегі оқиғалар

20.12.2011    
«Шұғыла» қоғамдық қоры Жаңаөзенде болған оқиғалар кезінде қаза болғандардың отбасыларына көңіл айта отырып, маңғыстаулықтарды аймақтағы жағдайды тұрақтандыруға және елімізде бейбітшілік пен тыныштықты сақтауға шақырады. Бұл оқиғалардың бәріміз үшін маңызды болып табылатын Қазақстан Республикасы Тәуелсіздігінің 20-жылдығы мерекесі кезінде орын алғаны өте өкінішті-ақ. Ұйымымыз осы оқиғалардың ұйымдастырушылары мен қатысушыларының әрекеттерін айыптап, бұл мәселе бейбіт шешімін табады деп үміттенеді.

Қазақстан Республикасы тәуелсіздігінің 20-жылдығына арналған қайырымдылық шара өткізілді

15.12.2011    
2011 жылдың 10-11 желтоқсанында «Шұғыла» қоғамдық қоры Қазақстан Республикасы тәуелсіздігінің 20-жылдығына орайластырылған қайырымдылық шара өткізді. Бұл шара аясында Алматы облысы Еңбекшіқазақ және Қарасай аудандарының жағдайы төмен отбасыларына көмір таратылды. Көмір тарату шарасы Еңбекшіқазақ ауданының 12 елді мекенін және Қарасай ауданының 16 елді мекенін қамтыды.

Құрбан айтқа орайластырылған мерекелік іс-шара

09.11.2011    
2011 жылдың 6 қараша күні ұйымымыз Құрбан айт мерекесіне орайластырылған қайырымдылық шара өткізді. Осы шара аясында Еңбекшіқазақ ауданының 9 ауылдық аймағы және Қарасай ауданының 13 ауылдық аймағының жағдайы төмен отбасыларына құрбан еті таратылды. Осымен қатар Қаскелен қаласында № 1 облыстық балалар үйінің жетім балаларына және Есік қаласында жетім балаларға мерекелік қонақасы мен концерттік бағдарлама ұйымдастырылды.

Беттер


Жиілеп кеткен алаяқтық оқиғаларына және әр түрлі сайттар мен баспасөз басылымдарында «Шұғыла» қоғамдық қоры атынан ақшалай, киім, азық-түлік және т.б. материалдық көмек жинау туралы ақпарат таратылуына байланысты қор өткізетін қайырымдылық іс-шаралар туралы мәліметтерді www.shugyla.kz атты сайтымыздан немесе 239-10-94 телефонына хабарласып тексеруіңізді өтінеміз. Сақ болыңыздар!

Біздің еріктілеріміз

Асан Усенов

21 жаста

Студент

 

Арман Маратов

24 жаста

Кәсіпкер

 

Болат Мажитов

23 жаста

Банк қызметшісі

 

Сенің аты-жөнің

 

Ерікті болу!

Байланыс

050012 Алматы қаласы,
Мәуленов көшесі 111, 73 бөлме
тел/факс: 8 (727) 239 10 94
e-mail: info@shugyla.kz
www.shugyla.kz

Видео

Біз туралы қайдан білдіңіз?

Лебіздер

Барлығын көру

Copyright © 2012 "Шұғыла" қоғамдық қоры